Qazaqstan astyq ótkizetin dástúrli naryqtardy saqtap qalýy tıis – Senat tóraǵasy

<p>ASTANA. KAZINFORM &ndash; Azyq-túlik taýarlarynyń ımportyna táýeldilik deńgeıin de kezeń-kezeńmen azaıtýymyz kerek. Bul týraly elordada &laquo;Azyq-túlik qaýipsizdigi &ndash; ulttyq qaýipsizdiktiń negizgi quramdas bóligi&raquo; taqyrybynda ótip jatqan parlamenttik tyńdaýda Senat tóraǵasy Máýlen Áshimbaev málim etti.</p>

- Sonymen qatar, ónimderdi ótkizý naryqtaryn qamtamasyz etý de ózekti suraqtardyń biri. Ónim shyǵarý bólek jumys bolsa, ony satý - basqa másele. Mysaly, keıingi 2 jylda bıdaıdyń álemdik baǵasy tómendedi. Bul bizdiń óndirýshilerimiz úshin qıyn jaǵdaı týǵyzǵany jasyryn emes. Budan basqa, bizdiń dástúrli naryqtarymyzǵa básekelestiktiń kúsheıgenin de kórip otyrmyz. Sondyqtan Ortalyq Azııa, Aýǵanstan, Iran, Kavkaz sııaqty dástúrli naryqtardaǵy pozıtsııamyzdy saqtap, ony odan ári nyǵaıtý aza mańyzdy. Bul elderge óńdelgen ónimderdiń de eksportyn arttyrǵan abzal, - dedi Máýlen Áshimbaev.

Sonymen qatar ol azyq-túlik qaýipsizdigin qamtamyz etý úshin agroǵylymdy damytý da ózekti másele ekenin atap ótti.

- Munymen qosa, elimizde organıkalyq ónimderdi óndiretin kólemdi kóbeıtý de negizgi maqsattardyń biri. Aldymyzda aýyl sharýashylyǵyn damytýǵa qatysty aýqymdy mindetter tur. Azyq-túlik taýarlarynyń ımportyna táýeldilik deńgeıin de kezeń-kezeńmen azaıtýymyz kerek, - dedi Senat tóraǵasy.

Budan buryn habarlanǵandaı, M.Áshimbaev aýyl sharýashylyǵynda eski tásildermen ónimdilikti arttyrý múmkin emes ekenin atap ótti.