Qazaqstan astyq eksportyn qysqartady

<p>Bıyl jınalǵan astyq ishki naryqty qamtamasyz etý úshin jetkilikti. Bul týraly Aýyl sharýashylyǵy vıtse-mınıstri Azat Sultanov málim etti, dep habarlaıdy Kazinform</p>

«Jınalǵan astyq ishki naryqty qamtamasyz etý úshin jetkilikti. Eksport boıynsha ónimdilik ótken jylmen salystyrǵanda tómendigin eskere otyryp, ishki naryqqa áser etpeıtindeı astyq eksportyn qysqartamyz. Dástúrli naryqtarǵa jetkizýdi de qysqartamyz. Qazirdiń ózinde kelisimshart bar. Búginde jetkizilim jaqsy qarqynmen júrip jatyr, munda biz qaıta óńdeý ónimderi men unǵa basa nazar aýdaramyz», - dedi Azat Sultanov «KazAgro-2023» halyqaralyq kórmesiniń aıasynda jýrnalısterdiń suraqtaryna jaýap bere otyryp.

Sondaı-aq BAQ ókilderi vıtse-mınıstrden astyq eksportynyń qanshalyqty qysqaratyny týraly surady.

«Bıyl biz 5 mıllıon tonna astyq eksportyn josparlap otyrmyz. Buryn bul kólem 7-8 mıllıon tonnany quraǵan, bul ortasha jyldyq kólem. Kvotalar bolmaıdy. Eksportty shekteýdiń alǵysharttary joq. Sebebi marketıng maýsymy endi bastalady. Astyq jetkilikti», - deıdi mınıstrdiń orynbasary.

Aıta keteıik, búgin Astanada «KazAgro-2023» kórmesi ótip jatyr.