Qazaqstan astyǵyn Reseıge eksporttaý toqtaı ma

<p>ASTANA. KAZINFORM &ndash; QR Aýyl sharýashylyǵy vıtse-mınıstri Ermek Kenjehanuly Rosselhoznadzordyń Qazaqstannan Reseıge astyq, qyzanaq, kúnbaǵysty eksporttaýdy toqtata turý týraly ótinishine qatysty pikir bildirdi.</p>

Bul turǵyda kórshi memleket Qazaqstan ónimderinde zııankester men bakterııalardy anyqtaý jaǵdaılary kóbeıgenin alǵa tartyp otyr.

Óz kezeginde E.Kenjehanuly bıyl qyrkúıek aıynyń ortasynda Rosselhoznadzordan ótinish túskenin rastady. 

«Atap aıtqanda, bizdiń mınıstrlik Rosselhoznadzordan anyqtalǵan kemshilikterdi rastaıtyn derekterdi usynýdy surady. ıAǵnı osyndaı jaǵdaıdyń (otandyq ónimde zııankesterdiń anyqtalýy) shynymen oryn alǵanyna kóz jetkizýimiz qajet. Anyqtalǵan zertteýler men osy jumystardyń nátıjeleri boıynsha tıisti aktilerdi suradyq. Degenmen, reseılik jaqtan tıisti jaýap áli bolmady», - dedi vıtse-mınıstr Senattyń jalpy otyrysynan keıin tilshiler suraǵyna jaýap bere otyryp.

Osy oraıda ol kórshi eldiń jaýapty uıymynan naqty jaýap kelgennen keıin, bul baǵytta tıisti jumystar atqarylatynyn aıtty. 

«Bizdiń zerthanalar halyqaralyq standarttarǵa sáıkes keledi jáne zııankesterdi tolyqtaı anyqtap jatady. Eksporttaý kezinde bizdiń jaqtan talaptardy buzý derekteri anyqtalmady. Sondyqtan biz Rosselhoznadzordan qosymsha aqparat suradyq», - dedi Ermek Kenjehanuly.

Eske sala keteıik, bıyl tamyz aıynda 2024 jylǵy 31 jeltoqsanǵa deıin bıdaıdy (SEQ TN kody: 1001) Qazaqstan Respýblıkasynyń aýmaǵyna kóliktiń barlyq túrimen ákelýge tyıym salý týraly sheshim qabyldandy.