Qazaqstan áskerleriniń kıim formasy ózgeredi

NUR-SULTAN. QazAqparat – QR Qorǵanys mınıstrligi áskerı kıim kııý erejesine ózgertýler ázirledi. Vedomstvo basshysynyń buıryq jobasy talqylaýǵa shyǵarylǵan, dep habarlaıdy QazAqparat tilshisi.

«Buıryq jobasyn qabyldaý quqyqtyq normalarǵa sáıkes keltirýge, Qazaqstan Respýblıkasy Qarýly kúshteriniń, basqa da áskerleri men áskerı quralymdarynyń Áskerı kıim nysany men aıyrym belgilerin, sondaı-aq basqa da belgilerin kııý erejeleriniń keıbir qaǵıdalaryn naqtylaýǵa múmkindik beredi», - delingen Qorǵanys mınıstrliginiń habarlamasynda.

Vedmostvonyń atap ótýinshe, jobany iske asyrý teris áleýmettik-ekonomıkalyq, saıası-quqyqtyq, ekologııalyq jáne ózge de saldarǵa ákep soqtyrmaıdy, qosymsha qarjy qarajaty talap etilmeıdi.

Buıryqtyń tolyq mátinimen ashyq normatıvtik-quqyqtyq aktiler portalynda tanysýǵa bolady. https://legalacts.egov.kz/npa/view?id=14041366 Qujat 2022 jyldyń 7 sáýirine deıin jarııa talqylaýǵa shyǵarylǵan.