Qazaqstan áskerıleri World of Tanks oıynynyń fınalyna qatysty
Mınıstrliktiń baspasóz qyzmetiniń habarlaýynsha, is-sharaǵa 10 myńǵa jýyq adam, onyń ishinde, tanymal onlaın oıynnyń 2 maýsymynyń qorytyndysy boıynsha Orta Azııanyń úzdik kıbersportshylary qatysty. Patrıottyq tárbıe berý múddesinde kompıýterlik oıyndardy dáripteý kúndelikti ómirde kópshilik jastardyń kompıýterlik oıyndardy oınaýymen týyndaǵan. Patrıottyq tárbıe berý men Ekinshi dúnıejúzilik soǵys tarıhyn zerdeleýde paıdalanǵan jón oıyndardyń ishinde Wargaming kompanııasy jasaǵan World of Tanks oıyny bolyp tabylady. Qazirgi ýaqytta onlaın oıynǵa búkil álemdegi 110 mln-nan asa oıynshy tirkelgen. Onda usynylǵan tehnıka HH ǵasyrdyń basy men ortasynda shynaıy bolǵan jaýyngerlik mashınalardyń kóshirmesi. Atalǵan jobanyń mańyzdylyǵy ázirleýshiler Ekinshi dúnıejúzilik soǵys tarıhyn zerdeleýde paıdalanýǵa bolatyn oıyn kontentiniń (tarıhı fılmder, muraǵattyq materıaldar, áskerı-tarıhı maqalalar men ózge de materıaldar) anaǵurlym kóp sanyn qurǵan. «Kompıýterlik baǵdarlamalar ómirimizdiń ajyramas bóligine aınalǵan aqparattyq XXI ǵasyrda olardy qajetti, eń bastysy, durys baǵytta qoldanǵan jón. Onyń ishinde, meniń oıymsha, jastarǵa áskerı-patrıottyq tárbıe berý úshin qajet. Búgin is-shara sheńberinde biz qarý-jaraq pen áskerı tehnıka kórmesin, fınalǵa qatysýshylar bul obektilerdi kompıýterdiń ekranynda ǵana emes, shynaıy kórýleri úshin avtomatty jınap-shashý boıynsha saıys ótkizdik. Nátıjesinde Otanymyzdy qorǵaýdyń mańyzdylyǵyn sezine bildi», - dedi Bas shtaby bastyǵynyń orynbasary - QR QK BSh Tárbıe jáne ıdeologııalyq jumystar departamentiniń bastyǵy general-maıor Muhamedjan Talasov.
Sondaı-aq, is-shara aıasynda áskerı qyzmetshiler qatysýshylar, qala turǵyndary men qonaqtary úshin qarý-jaraq pen áskerı tehnıka kórmesin, «Sarbaz botqasy» aktsııasyn uıymdastyrdy. Onda árbir qalaǵan adam áskerde beriletin naǵyz tamaqtyń dámin tatyp kórýge múmkindik aldy.
Grand-fınal qarsańynda Armııa úıinde «Jastarǵa áskerı-patrıottyq tárbıe berý múddesinde zamanaýı tehnologııalyq kommýnıkatsııalardy, ıaǵnı, kompıýterlik oıyndardy paıdalaný» taqyrybynda «Wargaming.net» kompanııasynyń ókilderi sabaqtar ótkizdi. Oǵan áskerı oqý oryndarynyń professorlyq-oqytýshylar quramy men kýrsanttar, B. Momyshuly atyndaǵy «Jas ulan» respýblıkalyq mektebiniń tárbıelenýshileri, Almaty garnızonynyń tárbıe qurylymdarynyń ofıtserleri qatysty.
Eske sala ketsek, Almatyda ótken baıqaýda World of Tanks boıynsha Ortalyq Azııa Lıgasy fınalynyń jeńimpazdary anyqtaldy. Bas júlde avtomobıldi (jeke esebinde aıqasta 2750 upaı jınaǵan) Qazaq bas sáýlet-qurylys akademııasy kolledjiniń stýdenti Halıt Myrzajanov ıelendi. Ol jeltoqsanda ǵana 16 jasqa tolady.