Qazaqstan áskeri TMD-da kóshbasshylardyń úshtiginde

 ASTANA. QazAqparat - Qazaqstan áskeri TMD elderi arasynda eń myqtylardyń biri bolyp tabylady. Bul týraly QR Qorǵanys mınıstri Sáken Jasuzaqov osylaı málim etti, dep  habarlaıdy QazAqparat.

«Elimizdiń Qarýly kúshteriniń daıyndyǵy deńgeıi qoıylyp otyrǵan talaptarǵa saı keledi. Reıtıngke toqtalatyn bolsaq, onda halyqtyń sany men mobılızatsııalyq resýrstar eskerildi. Árıne, Ózbekstanda halyq sany 30 mıllıonnan asady, al bizde 17 mıllıonnan astam. Osy rette mobılızatsııalyq resýrstar birneshe ese azdaý. Biz ózimiz múmkindikterimizdi baǵalaımyz.Biz postkeńestik keńistik aýmaǵynda TMD elderi arasynda Reseı men Ýkraınadan keıin kóshbasshylardyń úshtigine enip otyrmyz»,-dedi mınıstr Májilistegi Úkimet saǵaty barysynda.

Aıta keteıik, Úkimet saǵaty brasynda Májilis tóraǵasynyń orynbasary Vladımır Bojko sheteldik sarapshylar Qazaqstan áskerine bergen baǵasyn jarııalady.

«Sheteldik sarapshylar qazaqstandyq áskerdi Ortalyq Azııa óńirinde ekinshi ásker dep atady. Bul 126 eldi qamtyǵan jahandyq reıtıng. Ózbekstan 54-shi orynda, Qazaqstan 66-shy orynda tuǵyrlandy»,-dedi Bojko.

Onyń sózine qaraǵanda, sońǵy bes jylda áskerı tehnıkany alýǵa, jetildirýge jáne jóndeýge  shyǵyndar 3,5 esege artty. Áskerı avıatsııanyń, brondy tank qarý-jaraǵynyń jańa túrleri jetkizilýde.