Qazaqstan áskerı qýaty boıynsha álem reıtınginde 50-orynǵa kóterildi

ASTANA. QazAqparat - Global Firepower Index jyl saıyn jarııalaıtyn reıtınginde Qazaqstan áskerı qýaty jaǵynan 50-orynǵa kóterildi, dep habarlaıdy «QazAqparat» HAA.

Byltyr Qazaqstannyń Qarýly Kúshteri 53-orynda bolǵan.

Álemniń qýatty armııalarynyń 2018 jylǵy tiziminde Qazaqstan Sırııadan (49-oryn) keıin, Efıopııanyń (51-oryn) aldynda tur.

Birinshi oryndy AQSh ıelense, ekinshi orynda Reseı keledi, al úzdik úshtikti  Qytaı túıindeıdi.

Reseıden tys, TMD elderiniń arasynda Qazaqstannyń aldynda Ýkraına (29-oryn), Ózbekstan (39-oryn) jáne Belarýs (41-oryn) tur.

Reıtıngte jalpy 136 memleket bar. Global Firepower osy reıtıngti 55 parametr negizinde qurastyrady.