Qazaqstan áskerı kemeleri teńiz bıatlonynda Túrkimenstan, Reseı jáne Ázerbaıjannyń úzdik mergenderimen saıysady (FOTO)

ASTANA. QazAqparat - Teńizge shyǵý, qalqyp júrgen mınalardy zaqymdaý, kemedegi artıllerııalyq qondyrǵylardy qoldaný arqyly teńiz betinde atys - bulardyń bári «Kaspıı teńizi - 2015» teńiz bıatlonyna daıyndyq ústindegi qazaqstandyq «Qazaqstan», «Oral» jáne «Saryarqa» zymyrandy-artıllerııalyq keme ekıpajdarynyń jattyǵýy, dep habarlady QR Qorǵanys mınıstrliginiń baspasóz qyzmetinen.

Bizdiń áskerı teńizshiler atap aıtsaq, jaýyngerlik atysqa erekshe kóńil bólýde, sebebi teńiz bıatlonynda Túrkimenstan, Reseı jáne Ázerbaıjannyń úzdik mergenderimen saıysatyn bolady. Sonymen qatar qazaqstandyq sý ústi áskerı keme ekıpajdary jáne teńiz jaıaý áskerleriniń bólimsheleri aldaǵy baıqaýdyń basqa da baǵyttary boıynsha belsendi jattyǵýlar júrgizip jatyr. Olar teńiz mańynda júzý, sý betindegi qaýip, 30-40 metrge qaıyqty qoıý, MSS-65 Halyqaralyq qosalqy dabylyna sáıkes jaryq jáne tý arqyly dabyl belgini berý jáne qabyldaý jumystaryn pysyqtady. Esterińizge sala ketsek, «Kaspıı teńiz - 2015» - bul Kaspıı mańy elderiniń Áskerı-teńiz kúshteri arasyndaǵy birinshi jarys. Ol bıyl jazda Kaspııdiń reseılik akvatorııalarynda ótedi. Teńiz bıatlonynda otandyq «Qazaqstan», «Oral», jáne «Saryarqa» zymyrandy-artıllerııalyq úsh keme ekıpajy, sondaı-aq teńiz jaıaý áskerlerinen quralǵan brıgada el namysyn qorǵaıtyn bolady.