Qazaqstan áskerı kemeleri Ázerbaıjanǵa bardy
06:12, 27 Shilde 2017
ASTANA. QazAqparat - Qazaqstan Áskerı-teńiz kúshteri kemeleri áskerı-teńiz dástúrlerine saı saltanatty jaǵdaıda Ázerbaıjannyń Áskerı-teńiz kúshteri shoǵyrlanǵan Pýta portyna kirdi. Bul týraly QR Qorǵanys mınıstrliginiń baspasóz qyzmeti habarlady.
«Saryarqa» zymyrandy-artıllerııalyq kemesi men «Qazaqstan» qosalqy zymyrandy-artıllerııalyq kemesi «ArHO - 2017» sheńberinde Ázerbaıjan Respýblıkasynyń aýmaǵynda ótetin «Teńiz kýbogy - 2017» halyqaralyq baıqaýyna qatysý úshin sol eldiń teńiz aılaǵyna keldi.
Qazirgi ýaqytta baıqaý ótetin oryndarda qatysýshy elderdiń sýústi kemeleriniń ekıpajdary arasynda tikeleı daıyndyqtar bastalyp ketti. Bul baıqaýǵa Ázerbaıjan, Qazaqstan, Reseı jáne Irannyń áskerı qyzmetshileri qatysady.
«Teńiz kýbogy - 2017» baıqaýy 1-11 tamyz aralyǵynda ótedi.