Qazaqstan Áskerı-áýe kúshteriniń ushý quramy Úndistanda aman qalý kýrsynan ótti

ASTANA. QazAqparat - Qazaqstan Áskerı-áýe kúshteriniń ofıtserleri maıor Erjan Ábdikov pen Vladımır Markın Úndistanda qar qursaýyndaǵy taýly jaǵdaılar men djýnglıde ushý quramynyń jaýyngerlik aman qalý kýrsynan ótti, dep habarlady vedomstvonyń baspasóz qyzmetinen.

Aman qalý baǵdarlamasy úsh aptaǵa bólindi. Odan ótý nátıjesinde áskerı qyzmetshiler jaqsy nátıjelermen tolyq kýrsty meńgerdi.
Baǵdarlamaǵa praktıkalyq daǵdyny pysyqtaı otyryp, avtonomdy aman qalý jónindegi máselelerdiń tolyq tizbesi engizildi.
5 táýlikke djýnglıdiń avtonomdy jaǵdaıynda áskerı qyzmetshilerdiń is júzindegi aman qalýy sheshýshi kezeń boldy.
Olar azyq-túlik pen sýdy izdedi, kedergilerden ótip, jabaıy haıýandardan qorǵandy, jergilikti jerde baǵdarlandy, sýyq qarýmen qosalqy kómeksiz 50 shaqyrymǵa deıingi qashyqtyqqa kóshti.
Kýrs aıaqtalysymen qazaqstandyq ofıtserlerge dıplomdar men tósbelgiler tabys etildi. Nátıjesinde, ushý quramy baǵdarsyz jerde ushý apparattaryn apattyq qaldyryp ketý jaǵdaıynda avtonomdy aman qalýda tájirıbe jınaqtady.