Qazaqstan asa kúrdeli aımaqtaǵy turaqty memleket bolyp tabylady - Eýropa Keńesiniń Bas hatshysy

ASTANA. QazAqparat - Qazaqstandyqtardyń demokratııalyq quqyn saqtaý - bul óte mańyzdy. Eger respýblıkanyń Negizgi zańynyń erejesi Memleket basshysyn kezekten tys saılaýǵa múmkindik beretin bolsa, atalǵan bastamany júzege asyrýǵa eshqandaı bóget joq.

Eýropa Keńesiniń Bas hatshysy Valter Shvımmer, QHA Keńesiniń bastamasyna oraı bergen túsiniktemesinde osylaı málim etti.

-Árıne, birinshi orynda qazaqstandyq halyq jáne onyń múddesi turýy tıis, - dep atap ótti Valter Shvımmer.

«Qazaqstan Respýblıkasy túrli janjaldar bolyp turatyn asa kúrdeli aımaqtaǵy turaqty memleket bolyp tabylady. Men bárinen buryn Aýǵanstandaǵy jaǵdaıdy aıtyp otyrmyn. Biraq men Qazaqstanda saıası jáne ekonomıkalyq turaqtylyq saqtalatyndyǵyna senemin. Sondaı-aq, halyq jáne onyń múddesin kózdeýshi - eldiń zań shyǵarýshy organy durys sheshim qabyldady degen oıdamyn»,-dedi Eýropa Keńesiniń bas hatshysy.