Qazaqstan arzan janar-jaǵar maı quıatyn stansaǵa aınaldy - Uzaqbaı Qarabalın

ATYRAÝ. QazAqparat - Qazaqstan barlyq Eýrazııalyq keńistik úshin kólikke arzan janar-jaǵar maı quıatyn stansaǵa aınaldy, dep esepteıdi QR Energetıka mınıstriniń birinshi orynbasary Uzaqbaı Qarabalın.

«Meniń oıymsha, ýaqyt óte baǵa kóterilýi tıis. Janymyzdaǵy 30-40 eldiń ishindegi eń arzan janar-jaǵar maı bizde ekeni sizderge belgili. Qazaqstan búginde - eýrazııalyq keńistikte eń arzan janar-jaǵar maıy bar memleket. Bizdiń aýmaqpen óte kólemdi júk kólikteri ótedi, barlyǵy Qazaqstan shekarasyna jetip, munda kólikterin janar-jaǵar maıǵa toltyryp shyǵarýdy qalaıdy. Júk kólikterine tonnaǵa deıin janar-jaǵar maı quıylatynyn aıtpasa da bolatyn shyǵar. Qazirgi ýaqytta «QazMunaıGaz» UK Úkimettiń tapsyrýymen janar-jaǵar maıdy satyp alyp, ony arzan baǵamen satýda. Osylaısha shyǵyndalyp jatyr. Bul qashanǵyǵa deıin jalǵasady? Menińshe, ýaqyt óte baǵa ósýi tıis», - dedi QazAqparat tilshisine U.Qarabalın.