«Qazaqstan arýy – 2023» baıqaýynyń jeńimpazy anyqtaldy

<p>Almatyda &laquo;Qazaqstan arýy &ndash; 2023&raquo; ulttyq sulýlyq baıqaýy aıaqtaldy. Baıqaýda bas júldeni 21 jastaǵy Sabına Ydyrysova jeńip alyp, osy jyldyń &laquo;Qazaqstan arýy&raquo; atandy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Bıylǵy baıqaý ekologııany qorǵaý aıasynda «Bolashaqty aıala» - «Zaşıtı býdýşee» uranymen ótti. Baıqaýdyń fınaldyq kezeńine kastıngterden jáne jartylaı fınaldyń nátıjesinde iriktelip shyqqan 25 qyz qatysty. Olardyń arasynda óńirlik irikteý kezeńderiniń jeńimpazdary da boldy.

Foto: Aleksandr Pavskıı/ Kazinform

Baıqaýǵa qatysýshy arýlarǵa kelesideı negizgi talaptar qoıyldy: jastary 18-25 arasynda bolýy, boılary 165 sm-den kem bolmaýy, QR azamaty, turmys qurmaǵan ári balaly bolmaýy tıis.

Baıqaýǵa baǵa beretin ádilqazylar quramynda: «Qazaqstan arýy» ulttyq sulýlyq baıqaýynyń prezıdenti Aıdaı Isaeva, «Qazaqstan arýy – 2022» baıqaýynyń jeńimpazy Tomırıs Kakımova, sportshy ári akter Erkebulan Toqtar, bloger, aktrısa Janııa Djýrınskaıa, qyrǵyz dızaıneri Arzýbek Vonama, kásibı model Anjela Peresypkına boldy.

Foto: Aleksandr Pavskıı/ Kazinform

Fınaldyq kezeń birneshe baıqaýdan turdy. Qatysýshylar túrli kıimder men beınelerde jeke jáne toptyq defıle kórsetti, keıin suraqtarǵa jaýap berdi. Ádilqazylar aldymen 25 qatysýshynyń ishinen top-12 qyzdy anyqtady, osydan keıin eń úzdik 5 qyzdy anyqtady.

«Qazaqstan arýy» ataǵy men «Álem arýy» baıqaýyna joldamany 21 jastaǵy Sabına Ydyrysova jeńip aldy. Oǵan sondaı-aq 5 mln teńgeniń sertıfıkaty tabystaldy.

Foto: Aleksandr Pavskıı/ Kazinform

«Qazaqstan ǵalam arýy» táji men «Álem arýy» baıqaýyna joldama 23 jastaǵy Madına Álmuhanovaǵa berildi.

«Qazaqstan jer arýy» ataǵy men «Jer arýy» baıqaýyna joldama 20 jastaǵy Aıaýlym Alımhalıevaǵa berildi.

Foto: Aleksandr Pavskıı/ Kazinform

Botagóz Nurjigitova «Qazaqstan vıtse-arýy – 2023» atandy.

Saıtta daýys berý arqyly kórermen kózaıymy syılyǵynyń ıegeri Adelına Bagýmbaeva boldy.

Eske salsaq, ótken jyly 24 jastaǵy astanalyq Tomırıs Kákimova «Qazaqstan arýy» atanǵan edi.