Qazaqstan artyq benzındi Ortalyq Azııaǵa eksporttamaq

ASTANA. QazAqparat - Qazaqstan Ortalyq Azııa elderine benzın eksportyn ashady. Bul týraly búgin Astanada Energetıka mınıstri Qanat Bozymbaev málim etti, dep habarlaıdy QazAqparat.

«Ortalyq Azııaǵa eksportty ashý kózdelýde. Osy oraıda reseılik áriptestermen bul eksportty ashý boıynsha máseleler pysyqtalýda. Jazdyń aıaǵyna qaraı tıisti jańa kelisimderge qol jetkizý josparlanyp otyr», - dedi mınıstr baspasóz máslıhatynda.

 Bul turǵyda Q. Bozymbaev Qazaqstanǵa benzın eksporttaý qajet qadam ekenin atap ótti.

«Biz benzınniń bir bóligin eksporttaıtyn bolamyz. Eger de eksportty ashpasaq, onda munaı óńdeý zaýyttarynyń qazirgi qýatynyń arqasynda qazan aıyna qaraı jınalǵan qor 600 myńnan asyp túsedi. Sáıkesinshe, osy benzındi saqtaıtyn oryn bolmaıdy», -dedi vedomstvo basshysy.

Foto: press-unity.com