Qazaqstan armııasy jańa shabýylshy tikushaqty synap kórdi
Jýyrda ǵana qazaqstandyq Áskerı-áýe kúshteriniń qarý-jaraq qataryna Mı-35M tikushaqtary ákelingen bolatyn. Ushqyshtar ushý tehnıkalary boıynsha qaıta oqyp, negizgi maqsat boıynsha tolyq ushýǵa kiristi. Osy maqsatta ótkizilgen jaýyngerlik ushýlar sátti oryndaldy. Tankke qarsy «Shtýrm» basqarylatyn zymyrandy, S-8 ózdiginen ushatyn zymyrandy, sondaı-aq almaly-salmaly GSh-23L jyljymaly zeńbirek qondyrǵysynan oq atyldy.
«Mı-35 birneshe erekshelikteri bar, ol - jańa nysana kózdeý qurylymy jáne avıatsııalyq zeńbiregi. Barlyǵy shtattyq turǵyda ótip, barlyq nysanalar dál kózdeldi, synaq boıynsha tikushaq jaqsy jaǵynan kórindi», - dedi avıatsııalyq baza komandıriniń orynbasary podpolkovnık Baýyrjan Saǵyndyqov.
Mı-35M shabýlshy kópmaqsatty tikushaǵy Mı-24V tikushaǵynyń barynsha jańartylǵan túri. Táýlik boıy áskerı iske jaratý úshin ol qazirgi zamanǵy jylý baıqaýshy jáne televızııalyq arnalary, lazerlik alysty ólsheýshi qurylǵysy jáne pelengatorymen qosa navıgatsııalyq keshenmen jáne túrli tústi dıspleıli kóp qyzmetti elektrondy ındıkatsııamen jabdyqtalǵan. Tikushaq joǵary ushý-tehnıkalyq sıpattamasy bar, joǵary temperatýrada jáne bıik taýly jaǵdaılarda tıimdi qoldanylýy múmkin. Atalǵan Mı-35M jaı jáne kúrdeli aýa raıy kezinde táýlik boıy basqarylatyn jáne basqarylmaıtyn qarý-jaraqty áskerı iske asyrýdy, sondaı-aq kúndiz 10-25 metr bıiktikte jáne túnde 50 metrge deıingi bıiktikte ushýdy oryndaýdy qamtamasyz etýge qabiletti. Áskerı mashınanyń taǵy da bir jetistigi onyń jetildirilgen qurylymy tikushaqtyń dybysyn tómendetýge, áskerı ómirsheńdigine múmkindik beredi, sondaı-aq tehnıkalyq qyzmet kórsetýde qıyndyq keltirmeıdi.