Qazaqstan armııasy jańa ámbebap mobıldi baılanys keshenin synaqtan ótkizdi
Іs júzinde tıimdiligin kórsetken sý jańa tehnıka, ıaǵnı, ámbebap mobıldi baılanys kesheniniń múmkindikteri keńinen qoldanyldy. Keshendi jattyqtyrý jospary boıynsha komandalyq pýnktiniń baılanys toraby óristetildi.
Jaýyngerlik beketterde dál ýaqytymen ashyq jáne qorǵalǵan rejimderde balamaly jáne sandyq baılanys arnalary ashyldy jáne qamtamasyz etildi. Baılanysshylar qolbasshylyq júktegen barlyq tapsyrmalardy oıdaǵydaı oryndady. Jattyqtyrý barysynda jańa baılanys quraldaryn paıdalaný máselelerinde joǵary kásipqoılyq, mashyq pen keremet bilimderin pash etken birqatar áskerı qyzmetshiler, olardyń qatarynda apparattyń bastyqtary, maman-radıotelegrafshylar jaqsy jaǵynan atap ótildi. Baılanys boıynsha keshendi jattyqtyrý Qarýly kúshterde josparly negizde ótkizilýde. Uqsas jattyqtyrýlar «Batys» jáne «Ońtústik» óńirlik qolbasshylyqtarynda ótti.
Tájirıbelik sabaqtardyń arqasynda baılanys áskerı bólimderi men bólimsheleriniń jeke quramy búginde baılanys áskerleri jabdyqtalyp jatqan zamanaýı áskerı tehnıka úlgilerin qoldana otyryp, dalalyq jáne statsıonarlyq baılanys toraptary arasyndaǵy úılesimdilik pen ózara is-qımyldy qamtamasyz etý máseleleri boıynsha bilim qoryn molaıtty.
Aıta keterligi, baılanysshylar Qarýly kúshterdi turaqty jáne úzdiksiz baılanyspen qamtamasyz etedi. Olardyń jumysynan jaýyngerlik quraldardy qoldaný jedeldigi men ýaqtylylyǵy, tipti, áskerı operatsııanyń aıaqtalýy baılanysty bolyp keledi.