Qazaqstan armııasy el Táýelsizdigin senimdi qorǵap tur - Nursultan Nazarbaev
«Qazaqstandyq áskerı qyzmetshiler eń qatygez soǵysta fashızmdi jeńgen bizdiń ákelerimiz ben atalarymyzdyń jaýyngerlik aıbyny men dańqy dástúriniń laıyqty muragerleri. Biz árqashan olardyń ómir men týǵan jerdiń gúldenýi úshin sheksiz batyrlyǵy men óshpes erligin jadymyzda saqtaımyz. Búginde Qazaqstan armııasy el Táýelsizdigin senimdi qorǵap tur. UQShU aıasynda ujymdyq qaýipsizdikke tabysty járdemdesýde. Sonymen qatar BUU aıasynda mańyzdy bitimgerlik qyzmetterdi abyroımen oryndap keledi», - dep toqtaldy QR Prezıdenti.
Osy oraıda Elbasy elimiz Táýelsizdik alǵannan beri Qazaqstan dáıekti iri naqty beıbitshil saıasatty júrgizip kele jatqanyn atap ótti.
«Alaıda qazirgi zamanǵy geosaıası shynaıylyq bizge únemi kútpegen jaǵdaılarǵa árqashan daıyn bolýdy eskertedi. Memleket armııamyzdyń nyǵaıýy áleýetine barynsha qoldaý jasaýda men erekshe nazar aýdarýda. Júıeli túrde sońǵy býyndy qarý men áskerı tehnıka úlgilerin satyp alý júrgizilýde. Sondaı-aq birqatar mańyzdy jaýyngerlik tehnıka men quraldar túrin óndirý tabysty ıgerildi. Áskerı basqarý júıesi jańǵyrtylýda. Bizdiń maqsat - qazirgi zamanǵy, mobıldi, joǵary kásibı bilikti armııany qurý», - dep atap ótti QR QK Joǵarǵy Bas Qolbasshysy.
Budan buryn habarlanǵandaı, búgin Otan qorǵaýshy kúni aıasynda Elbasy - QR QK Joǵarǵy Bas Qolbasshysy Nursultan Nazarbaevtyń qatysýymen jaýyngerlik parad ótip jatyr.