Qazaqstan armııasy brondy jańa tehnıkalarmen tolyqty

ASTANA. QazAqparat - «Qazaqstan Paramaýnt Injınırıng» kompanııasynyń 60 «Arlan» mashınasy Qazaqstan armııasynyń quramyna berildi. Bul týraly Parlament Májilisindegi Úkimet saǵatynda Qorǵanys jáne aeroǵarysh ónerkásibi mınıstri Beıbit Atamqulov málim etti, dep habarlaıdy QazAqparat tilshisi.

«Búginde qorǵanys salasyna 4h4 dóńgelek bazasyndaǵy 60 «Arlan» tapsyryldy. Aldaǵy jyly taǵy da 30 mashına beriledi. Bul rette basqa bólimshelerden eseptemegende. Mashınalardyń kelesi tıpi 8h8 (Barys) dóńgelik bazasyndaǵy tehnıkaǵa tıesili, olar BTR-82-ni almastyrady», - dedi Atamqulov.

Atap aıtqanda, «Qazaqstan Paramaýnt Injınırıng» zaýyty -  Ortalyq Azııadaǵy zamanaýı brondy dóńgelekti mashına shyǵaratyn eń iri kásiporyn. Kásiporyn brondy tehnıkanyń tómendegi túrlerin shyǵarady: 4h4 dóńgelekti formýlasyndaǵy «Arlan» BDM; - 4h4 dóńgelekti formýlasyndaǵy «Alan» BDM; - 6h6, sondaı-aq 8h8 dóńgelekti formýlasyndaǵy «Barys» BTR-ler.

8h8 dóńgelekti formýlasyndaǵy «Barys» BTR-leri 2016 jylǵy KADEX-ten keıin aýqymdy synaqpen qamtyldy. Qorǵanys mınıstrliginiń eskertpelerinen keıin mashına jetildirilip, bıyl áskerı tehnıka qys mezgilindegi ekstremaldy tabıǵı-klımattyq synaqtardan sátti ótti. Aldaǵy ýaqytta endi jazǵy synaqtar uıymdastyrylady.