Qazaqstan arqyly Qytaıdan Eýropaǵa baratyn konteınerlik júkter kólemi eki esege artty

ASTANA. QazAqparat - Qazaqstan aýmaǵy arqyly Qytaıdan Eýropaǵa baratyn konteınerlik júkter kólemi eki esege artty, dep habarlaıdy primeminister.kz.

Bıylǵy jyldyń basynan beri Qazaqstan aýmaǵy arqyly Qytaıdan Eýropaǵa baǵdar boıynsha 1 210 poıyz jiberilse, 2015 jylǵy sáıkes kórsetkish 503 poıyz bolatyn.

Sonymen qatar, Eýropadan Qazaqstan aýmaǵy arqyly Qytaıǵa ótetin tranzıttik konteınerlik poıyzdar sany da ósken. Bul baǵdarǵa jyl basynan beri 245 poıyz jóneltilse, ótken jyly 101 poıyz ótkizildi.

«Jyl basynan beri 5 mıllıon tonna astyq ónimderin tasymaldady. Onyń ishinde 3 mıllıon tonnasy eksportqa shyǵaryldy. Sonymen qatar kompanııa 2 mıllon tonna un tasymaldasa, onyń 1,5 mıllıon tonnasy eksportqa shyǵaryldy», - dep málimdedi QTJ-da.

Qazirgi tańda kompanııa eksportqa konteınerlik poıyzdarmen shyǵarylatyn júkterdiń kólemin ósirip, geografııalyq aýqymyn keńeıtý sharalaryn júzege asyrýda.