Qazaqstan arqyly 19,7 mln tonna tranzıttik júk tasymaldandy

ASTANA. QazAqparat - Qazaqstan arqyly 19,7 mln tonna tranzıttik júk tasymaldandy. Bul týraly Úkimet otyrysynda QR Indýstrııa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy QazAqparat tilshisi.

«Eseptik kezeńde kólik salasynda naqty kólem ındeksi 104,8 paıyzdy qurady. Tranzıttik konteınerlik tasymaldardyń júkter kólemi 5 paıyzǵa ósimi baıqalady, 834,6 myń jıyrma fýnttyq balamany qurady. Bul rette Qazaqstan aýmaǵy arqyly tranzıttik júkterdiń jalpy kólemi 19,7 mln tonna bolatyn oń úrdisti kórsetedi. Bul ótken jyldyń sáıkes kezeńimen salystyrǵanda 12,5 paıyzǵa joǵary», - dedi Qaıyrbek Óskenbaev.

Onyń atap ótýinshe, 2022 jylǵy qańtar-qyrkúıek aılarynda qurylys boıynsha naqty kólem ındeksi 105,1 paıyzdy qurady.

«Oń dınamıka Mańǵystaý, Qaraǵandy, jáne Abaı oblystaryn qospaǵanda 17 óńirde baıqalady», - dedi mınıstr.