Qazaqstan arab elderimen birlesip qoı tuqymyn túrlendiretin zerthana ashpaq

ASTANA. QazAqparat –Qazaqstannyń arab elderimen birlesip 2 mln eýropalyq qoı tuqymyn túrlendiretin zerthana ashpaq. Bul týraly «Ulttyq agrarlyq ǵylymı-bilim berý ortalyǵynyń» tóraǵasy Darhan Balpanov aıtty, dep habarlaıdy QazAqparat tilshisi.

«Qazaqstan merınosy» dep atalatyn bııazy júndi qoı sharýashylyǵy keıingi kezde kenjelep qaldy. Jalpy qoı sharýashylyǵyn damytý úshin ne istelip jatyr? Júnge suranys qandaı? Ótetin kórmeni paıdalanyp otandyq seleýkıtsonerler shyǵarǵan qoıdyń túrin jarnamalaý qolǵa alyna ma?», - dep surady BAQ ókili Ortalyq kommýnıkatsııalar qyzmetinde ótken brıfıngide.

Darhan Balpanovtyń aıtýynsha, Ulttyq agrarlyq ǵylymı-bilim berý ortalyǵynda qoı tuqymyn túrlerndirýge baǵyttalǵan ǵylymı jumystarǵa óte úlken mán berilip jatyr.

«Qazirgi kezde eki genetıkalyq zerthana quryldy. Bizdiń Almaty aýyl sharýashylyq ınstıtýtynda jáne Qosshy qalasynda «Asyl túlik» degen kompanııa bar. Osy eki mekemede qoı máselesi boıynsha jumystar atqarylyp jatyr. Bıyldan bastap arab elderi Qazaqstanda shyǵarylatyn qoı etine óte úlken qyzyǵýshylyq kórsetip jatyr. Sondyqtan elimizdiń bul turǵyda áleýeti úlken. Endigi jyldan bastap arab elderimen birge qosylyp 2 mln eýroǵa baǵalanǵan zerthana qurylǵaly jatyr», - dedi ortalyq basshysy.

Sondaı-aq ol erteń ótetin halyqaralyq agrarlyq kórmede alǵash ret qoı máselesine qatty kóńil bólinip otyrǵanyn atap ótti.

«Jalpy strategııa boıynsha ǵylymı ınstıtýttyń deńgeıin kóterip, fermerlerge uryqtandyrý tehnologııalaryn jetkizý oıymyzda tur. Al júnge elimizde suranys bolmasa da, shetelde suranys kóp. Sondyqtan selektsııa jumystaryn atqarý kerek. Ol jumystar da ǵylymı ınstıtýttarymyzda júrgizilip jatyr. Bizdiń maqsatymyz – selektsııany durys uıymdastyryp, tıimdi násilder shyǵaryp, sol máseleni fermerlerge jetkizý. Al memleket tarapynan ónimdi shetelge shyǵarýdyń múmkindikterin izdeý mańyzdy», - dedi Darhan Balpanov.