Qazaqstan alıýmınıı óńdeý kólemin 30% ulǵaıtty

ASTANA. QazAqparat – Premer-Mınıstr Álıhan Smaıylov Parlament palatalarynyń birlesken otyrysynda memlekettik qoldaý sharalaryn shıkizattyq emes sektorǵa baǵyttaýdyń nátıjesi týraly málimet berdi, dep habarlaıdy QazAqparat tilshisi.

«Qaıta óńdeýshilerge shıkizat qoljetimdi baǵamen berilip keledi. Byltyr Qazaqstanda alıýmınıı óńdeý kólemi 30 paıyz artqanyn kórip otyrmyz. Shaǵyn jáne orta bıznesti memlekettik qoldaý sharalarynyń tizbesi edáýir keńeıdi. Byltyr elimizde shaǵyn jáne orta bıznes sýbektileriniń sany 27% nemese 1,8 mıllıonǵa ósti. Al jalpy ishki ónimdegi shaǵyn jáne orta bıznestiń úlesi 36% boldy», -dedi Úkimet basshysy.

Sondaı-aq, ol qoldanystaǵy zańnama ınvestorlardy otandyq jáne sheteldik dep bólmeıtinin atap ótti.

«Bizdegi zańnama sheteldik jáne otandyq ınvestorlarǵa teń múmkindikter beredi. Іri shıkizattyq emes jobalarǵa 10 jylǵa deıin turaqty salyq qarastyrylǵan. Qabyldanǵan «Ónerkásip saıasaty týraly» zań sheńberinde óńdeýshi sektordy damytýǵa baǵyttalǵan tıisti tetikter kózdelgen», - dedi Álıhan Smaıylov.