Qazaqstan almasyn Ózbekstanǵa eksporttaýda qandaı kedergiler bar
«Alma óndirisiniń josparlanǵan ósýi men halyqtyń qajettilikterin eskere otyryp, alma óndirisin damytý úshin Orta Azııa elderine, atap aıtqanda Ózbekstan naryǵyna eksporttyq áleýetti ashý óte mańyzdy. Sebebi el almany qajetti kólemde óndirmeıdi. Alaıda, logıstıkalyq marshrýttardy qurý kezinde otandyq bıznes memleket tarapynan kómekti qajet etetin birqatar problemaǵa tap boldy. Birinshiden, Ózbekstan shekarasy arqyly eksporttyq-ımporttyq operatsııalar kezinde teń emes jaǵdaılar jasalǵan. Jergilikti eksporttaýshylar negizsiz qaǵazbastylyqqa tap bolady. Bul kelisimsharttar boıynsha jóneltýdi qıyndatady. Al ózbek eksporttaýshylary bizdiń naryqqa taýarlardy kedergisiz jetkizedi. Ózbekstan karantındik qyzmetiniń erejelerine sáıkes Ózbekstan shekarasy arqyly barlyq ósimdik sharýashylyǵy ónimderin kesip ótý úshin 20-dan astam qujat qajet, al Ózbekstan ónimderin otandyq naryqtarǵa eksporttaý úshin tek 2 qujat qajet», - dep atap ótedi Serik Jumanǵarın Májilistiń taratylǵan 7-shaqyrylym depýtattarynyń saýalyna bergen jaýabynda.
Onyń atap ótýinshe, Ózbekstanǵa alma eksporty úshin taǵy bir mańyzdy másele – Ózbekstannyń ózderi belgileıtin ımporttyq ónimderge qatysty kedendik bajdardy, QQS jáne taǵy basqalaryn alý saıasaty. Máselen, barlyq ımporttalatyn alma boıynsha shyqqan eline qaramastan, almanyń bir kelisine kedendik baǵa 1 AQSh dollary mólsherinde belgilendi. Al alma Qytaıdan, Eýropadan, AQSh pen Qazaqstannan ımporttalady. Ózbekstan shekarasyndaǵy barlyq almalardyń baǵasy olardyń eline 1 AQSh dollarynan bastap eksporttalady jáne osy baǵadan olardyń bajdary alynady.
«Ózbekstannyń mundaı saıasaty ishki naryqtaǵy qazaqstandyq almanyń baǵasyn kelisine shamamen 500 teńgege deıin arttyrady jáne bizdiń almany alys shetelden almaǵa teńestiredi, básekege qabilettilikti tómendetedi. Alaıda, logıstıkalyq baǵyttardy eskere otyryp, otandyq bıznestiń almany 250-350 teńge shamasynda jetkizýge múmkindigi bar. Osyǵan baılanysty, eki el arasyndaǵy ekijaqty qatynastar men ózara saýdany damytý maqsatynda ózbek tarapynyń bizdiń taýarlarǵa qoıylatyn talaptaryn qaıta qaraý máseleleri pysyqtalýda. Basqasha aıtqanda, Ózbekstan shekarasy arqyly eksporttyq-ımporttyq operatsııalar úshin jaǵdaılardy teńestirý boıynsha jumystar júrgizilýde», - dedi mınıstr.