Qazaqstan alǵash ret Dúnıejúzilik mura komıtetine múshe bolyp saılandy

ASTANA. 21 qarasha. QazAqpart - 19 qarashada ıÝNESKO shtab-páterinde memleketterdiń Bas Assambleıasy aıasynda Dúnıejúzilik mura komıtetiniń músheleri saılandy. 12 bos orynǵa 22 kandıdat usynyldy. Tabysty júrgizilgen kampanııanyń, belsendi jumystyń nátıjesinde daýys berýdiń qorytyndysy boıynsha ıÝNESKO jáne onyń túrli organdarynyń aıasynda Qazaqstan alǵash ret 2013-2017 jyldary Dúnıejúzilik mura komıtetine múshe bolyp saılandy. Budan basqa, Túrkııa, Vetnam, Koreıa Respýblıkasy, Lıvan, Perý, Polsha, Portýgalııa, Fılıppın, Fınlıandııa, Horvatııa jáne ıAmaıka elderi de komıtetke múshe boldy. Bul týraly astana.gov.kz saıty habarlap otyr.

Saıttyń málimetinshe, Qazaqstan 1994 jyldan beri Dúnıejúzilik mádenı jáne tabıǵı murany qorǵaý konventsııasynyń qatysýshysy bolyp tabylady. Qazirgi ýaqytta Konventsııaǵa 190 memleket kirgen. Atalǵan Komıtettiń jumysyna qatysý elimiz úshin mádenı jáne tabıǵı murany qorǵaý salasyndaǵy ozyq halyqaralyq tájirıbemen tanysýǵa múmkindik beredi. Óz kezeginde, aıtarlyqtaı mádenı jáne tarıhı muraǵa ıe bola tura respýblıkamyz Komıtettiń jumysyna óz úlesin qosa alady.

Elimizdiń tanymal mádenı jáne tarıhı úsh eskertkishiniń - Qoja Ahmet ıAssaýı kesenesi (2003 j.), Tamǵaly arheologııalyq landshaftynyń petroglıfteri (2004 j.), sondaı-aq, «Sary-Arqa - Soltústik Qazaqstannyń dalalary men ózenderi» atalymy aıasynda Qorǵaljyn jáne Naýryzym qoryqtarynyń (2008 j.) ıÝNESKO-nyń Dúnıejúzilik mura tizimine enýi - Qazaqstan men ıÝNESKO-nyń bul saladaǵy ózara is-áreketiniń nátıjesi bolyp tabylady.

Dúnıejúzilik mura komıtetine eki jylda bir ret memleketterdiń Bas Assambleıasynda saılanatyn 21 el múshe bolady. Jyl saıyn Komıtet kezekti sessııalaryn ótkizedi. Shara barysynda Dúnıejúzilik mura tizimine qabyldanatyn jańa kandıdatýralar boıynsha sheshimder qabyldanady, tizimge engizilgen nysandardyń jaǵdaıy týraly esepter tyńdalady jáne nysandardy odan ári qorǵaý boıynsha qatysýshy memleketterge usynystar jasalady.

Qazirgi ýaqytta Dúnıejúzilik mura tizimine álemniń 160 eliniń 981 nysany engen.