Qazaqstan álemdegi salyq júktemesi eń tómen elderdiń biri - E. Dosaev
14:22, 14 Qarasha 2013
ASTANA. 14 qarasha. QazAqparat - Qazaqstan álemdegi salyq júktemesi eń tómen elderdiń biri. Búgin Senattyń jalpy otyrysynda Ekonomıka jáne bıýdjettik josparlaý mınıstri Erbolat Dosaev osylaı málim etti. Eske salsaq, jıyn barysynda «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» zań jobasy talqylanǵan bolatyn.
«Jalpy qosylǵan qun salyǵynyń qurylymy men ony ákimshilendirý máselesinde suraqtar barshylyq. Bul negizinen qosylǵan qun salyǵyn qaıtarýǵa qatysty. Degenmen, men salyq salýdyń qazirgi qurylymy eń ádil dep sanaımyn», - dedi mınıstr E. Dosaev.
«Eger stavkalar men júktemeler týraly aıtatyn bolsaq, biz ǵana emes halyqaralyq sarapshylar da Qazaqstandy álemdegi salyq júktemesi eń tómen elderdiń biri retinde baǵalaıdy», - dedi ol. Mınıstr daǵdarystan keıin kóptegen damyǵan elder salyq júktemelerin kúrt arttyrǵanyn aıtyp, Qazaqstanda bızneske 2009 jyldan engizilgen tómendetýler bolmasa, salyqtyń eshbir túri arttyrylmaǵanyn alǵa tartty.