Qazaqstan álem elderine astyqty senimdi túrde jetkize alady – Memleket basshysy

ASTANA. QazAqparat – Qazaqstan aýyl sharýashylyǵy áleýetin álemdegi azyq-túlik tapshylyǵymen kúreske jumyldyrýǵa daıyn. Bul týraly Qazaqstan Prezıdenti Birikken Ulttar Uıymy Bas Assambleıasy 77-sessııasynyń Jalpy debatynda aıtty, dep habarlaıdy QazAqparat.

«Astyq óndirýden álemde jetinshi orynda turǵan meniń elim – Ortalyq Azııadaǵy astyq qory eń mol memleket. Biz jahandyq azyq-túlik tapshylyǵymen kúresý úshin osy aýyl sharýashylyǵy áleýetin paıdalanýǵa daıynbyz. Qazaqstan aldaǵy ýaqytta da astyq pen basqa da áleýmettik mańyzy bar azyq-túlik ónimderiniń senimdi jetkizýshisi bolyp qala beredi», - Qasym-Jomart Toqaev.

Osy oraıda Memleket basshysy, kedeı elderdi azyq-túlik ónimderimen qamtamasyz etýge ekpin qoıylatynyn aıtty.

«Sondaı-aq biz Qazaqstanda ornalasqan Azyq-túlik qaýipsizdigi jónindegi Islam uıymymen, sondaı-aq BUU agenttikterimen yntymaqtastyqty nyǵaıtýǵa nıettimiz. Bul turǵyda azyq-túlik pen tyńaıtqyshtardy barlyq sanktsııalar men shekteýlerden bosatý asa mańyzdy», - dedi Prezıdent.