Qazaqstan aldaǵy ýaqytta Iranǵa 2,25 mln. tonna astyq eksporttaıtyn bolady
Bul týraly búgin QR Aýyl sharýashylyǵy mınıstri Asyljan Mamytbekov aıtty.
A.Mamytbekovtiń sózine qaraǵanda, Iran jylyna shamamen 4 mln. tonna astyq tutynady ári onyń 1 mln.ǵa jýyǵyn Qazaqstan jetkizedi. Qazaq astyǵy Iranǵa Saryaǵash arqyly temir jolmen jáne Kaspıı teńizimen Aqtaý aılaǵy arqyly jóneltiledi.
«Qazirgi ýaqytta ol jaqqa qosymsha 2,25 mln. tonna astyq eksporttaýǵa múmkindik beretin Ózen stansasy men Gorgan (Iran) arasyn qosatyn temir jol salynýda. Bul Iran úshin de tıimdi, óıtkeni, el halqynyń negizgi bóligi soltústikte qonystanǵan. Olar Parsy shyǵanaǵynda ornalasqan Bandarabas aılaǵy arqyly satyp alyp, búkil eldiń ishimen soltústikke tasymaldaıdy. Sondyqtanda bul eki jaqqa da tıimdi. Irandyqtar atalǵan joldy sol sebepti qarqyndy salý ústinde, ári múddeli de. Bul bizdiń eksporttyq áleýetimizdi arttyrady», - dedi A.Mamytbekov.