Qazaqstan AQSh sherıfteriniń tájirıbesin zerttep jatyr

ASTANA. QazAqparat – QR Іshki ister mınıstrliginiń jáne vedomstvonyń oqý oryndarynyń delegatsııasy AQSh-qa oqý-tanystyrý saparymen bardy. Bul jaıynda vedomstvo ókili Shuǵyla Turlybek kezekti brıfıngide aıtty, dep habarlaıdy QazAqparat tilshisi.

«Bul sapardyń maqsaty - Amerıka Qurama Shtattarynda polıtsııa kadrlaryn daıarlaý jáne qoǵamǵa baǵyttalǵan polıtsııa salasyndaǵy tájirıbesin zertteý bolatyn.

Qazaqstandyq polıtseıler Birikken Ulttar Uıymynyń Esirtki jáne qylmys jónindegi basqarmasynyń Qazaqstandaǵy baǵdarlamalyq keńsedegi jáne Venadaǵy Shtab-páterdegi qyzmetkerlerimen birge Delaver, Vırdjınııa Shtattary polıtsııasynyń jáne Montgomerı okrýginiń polıtsııa departamentindegi áriptesterimen kezdesti», - dedi ol.

Shuǵyla Turlybektiń sózine qaraǵanda, qazaqstandyq tártip saqshylary kandıdattardy jaldaý jáne jumysqa alý protsesterimen, burynnan qyzmet atqaratyn saqshylardy jáne jańa qyzmetkerlerdi daıarlaýǵa arnalǵan oqý baǵdarlamalarymen, sondaı-aq qoǵamǵa baǵdarlanǵan polıtsııa qyzmetin uıymdastyrýdaǵy qoldanystaǵy tásildermen tanysqan

«Esirtkige qarsy kúres basqarmasy akademııasynda (DEA) jáne Federaldy tergeý bıýrosynyń akademııasynda (FBI) kezdesýler kezinde kásiptik oqytý men tıisti polıtsııa ınfraqurylymyna erekshe nazar aýdaryldy», - dedi ІІM ókili.