Qazaqstan agroónerkásiptik keshen ónimderiniń eksportyn arttyrdy
10:47, 16 Naýryz 2020
NUR-SULTAN. QazAqparat – Byltyr agroónerkásiptik keshen ónimderiniń eksporty 6,4 paıyzǵa ulǵaıdy. Bul týraly Aýyl sharýashylyǵy mınıstri Saparhan Omarov málim etti, dep habarlaıdy QazAqparat tilshisi.
«2019 jyldyń qańtar-jeltoqsanynda aýyl sharýashylyǵynyń jalpy ónim kólemi 2018 jylmen salystyrǵanda 0,9 paıyzǵa ulǵaıyp, 5,2 trln teńgeni qurady. Bul rette mal sharýashylyǵy ónimin óndirý 4 paıyzǵa artyp, ósimdik sharýashylyǵy ónimin óndirý 2019 jylǵy qolaısyz aýa raıy jaǵdaılaryna baılanysty 1,7 paıyzǵa tómendedi», - dedi mınıstr Parlament Májilisindegi Úkimet saǵatynda.
Onyń sózine qaraǵanda, aýyl sharýashylyǵynyń negizgi kapıtalyna salynǵan ınvestıtsııalar 41,1 paıyzǵa artyp, 501,6 mlrd teńgeni qurady.
«Agroónerkásiptik keshen ónimderiniń eksporty 6,4 paıyzǵa ulǵaıyp, 3,3 mlrd AQSh dollaryn qurady», - dedi Saparhan Omarov.