Qazaqstan 9 elmen vaktsına pasporttaryn taný boıynsha kelissózder júrgizýde
12:34, 24 Qyrkúıek 2021
NUR-SULTAN. QazAqparat - QR Syrtqy ister mınıstrligi 9 elmen COVID-19-ge qarsy vaktsınalaý pasporttaryn ózara taný boıynsha kelissózder júrgizilýde. Bul týraly QazAqparat SІM silteme jasap habarlaıdy.
«Búgingi tańda Argentına, Armenııa, Ázerbaıjan, Iordanııa, Indonezııa, Marokko, Ózbekstan, Reseı, Fılıppınder jáne t.b. memlekettermen COVID-19-ge qarsy vaktsınalaý pasporttaryn ózara taný boıynsha kelissózder júrgizilýde», - delingen mınıstrlik habarlamasynda.
Eske salsaq, qazaqstandyqtar jeti elge PTR test tapsyrmaı saparlaı alady.