Qazaqstan 85 myń tonna benzındi syrtqa satady
Mınıstrdiń aıtýynsha, úsh birdeı munaı óńdeý zaýytynda jańǵyrtý jumystary aıaqtalǵandyqtan ishki naryqtyń benzın, dızel jáne kerosınge degen suranysy otandyq óndiris esebinen 100% qamtylyp otyr.
«Bes aıdyń qorytyndysy boıynsha, óndirý deńgeıi ótken jyldyń osy kezeńimen salystyrǵanda birshama artty. Máselen, benzın 13,8%, dızel otyny 13,2%, áýe kerosıni 298,6 % artyq óndirildi. Otandyq Aı-92 jáne Aı-95 benzınderi 20-30% artyǵymen óndirilip jatyr.
Sonyń arqasynda AI-92 benzınine bólshek saýda baǵasy bir jyl ishinde 6,9 paıyzǵa tómendedi. ıAǵnı bir lıtri úshin 147,6 teńge bolyp tur. AI-95 jáne Aı-96 benzınderiniń baǵasy da 3,8 % tómendep, bir lıtri úshin 168,6 teńge boldy. Jazǵy dızel otynynyń baǵasy 1 %p aıyzǵa tómendep, bir lıtri 191,8 teńgege satylyp jatyr», - deıdi Energetıka mınıstri.
Qanat Bozymbaev mundaı profıtsıt munaı óńdeý zaýyttarynyń tolyp ketýine alyp kelgen.
«Osynyń arqasynda munaı óńdeý kólemi amalsyzdan tómendedi. Al ol dızel men áýe kerosıniniń óndirisine keri áser etýi múmkin edi. Sondyqtan, ishki naryqty baqylanbaıtyn eksporttan qorǵaý úshin ashyq tústi munaı ónimderine eksporttyq kedendik baj tómendetildi. Eýrazııalyq ekonomıkalyq odaqtyń kedendik aýmaǵynan tysqary jerlerge benzın eksporty ashyldy. AI-92 benzınin 60-70 myń tonna kóleminde, al Aı-95 benzınin 10-15 myń tonna kóleminde eksporttaýdy josparlap otyrmyz», - deıdi Qanat Bozymbaev.
Sondaı-aq, mınıstr Qazaqstan benzınin eksporttaý boıynsha sheteldik ókildermen kelisimder júrip jatqanyn atady.
«Bizdiń Eýrazııa ekonomıkalyq odaǵyndaǵy áriptesterimiz de benzın eksporttaýymyzǵa qyzyǵýshylyq tanytyp otyr. Biz olardyń aldyna naqty talaptar qoıdyq», - dedi mınıstr