Qazaqstan 700 myń tonnadan astam kókónis eksporttamaq

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov eksportqa qatysty jaǵdaıdy aıtty, dep habarlaıdy QazAqparat tilshisi.

«Karantın shekteýleri men ónim jetkizýdegi kemshilikter azyq-túlik emes taýarlarǵa suranystyń 20 paıyzǵa jýyq tómendeýine alyp keldi. Sonymen qatar, lokdaýn aýyl sharýashylyǵy taýarlarynyń saýdasyna aıtarlyqtaı áser etpedi», - dedi B. Sultanov onlaın rejımde halyq aldynda esep berýi kezinde.

Onyń aıtýynsha, álem elderiniń bazalyq azyq-túlik ónimderin qarbalas satyp alýy qazaqstandyq óńdelgen aýyl sharýashylyǵy taýary eksportyn 18,1 paıyzǵa arttyrýǵa múmkindik berdi.

«Іshki naryqtyń turaqtylyǵy men eksporttyq tıisti kólemin qamtamasyz etý úshin kórshiles eldermen forvardty sharttardy bekitýdi josparlap otyrmyz. Osy oraıda kartopty, pııazdy, sábizdi jáne qyryqqabaty tıisti kezeńde jáne ónim jınaý merziminde ózara jetkizý boıynsha kelisimdi bekitpekpiz. Ónimdi jappaı jınaý kezeńinde kórshiles elderge 765 myń tonnaǵa jýyq kókónis jetkize alamyz. Sonymen qatar, bizdiń naryq erte pisetin 280 myń tonna kókónispen ýaqytyly qamtamasyz etiledi», - dedi mınıstr.

Nátıjesinde, atalǵan ónimderge baǵanyń qubylýy 7-10 paıyz dálizinde bolady dep eskerilip otyr.