Qazaqstan 4 myńnan astam tonna et eksporttady - AShM

ASTANA. QazAqparat - 2014 jylǵy 30 qazandaǵy derekter boıynsha, Qazaqstan eksportqa 4 myń tonnadan astam et shyǵarǵan. Bul týraly búgin QR Parlamenti Májilisinde ótken otyrysta QR Aýyl sharýashylyǵy vıtse-mınıstri Gúlmıra Isaeva aıtty.

«Bıyl 30 qazanǵa deıin biz 4 myńnan astam tonna et eksporttadyq. Qus etin qosa eseptegende, búginde Qazaqstan 8 800 tonna etti shetelge shyǵardy», - dedi ol.

Onyń aıtýynsha, Qazaqstandyq et eksportynyń negizgi bóligi Keden odaǵy elderine jiberiledi.

«Negizinen et eksporty Reseıge, onyń ishinde Máskeýge jáne elimizben shekaralas óńirlerge jiberiledi. Sonymen qatar, ońtústik kórshilerimiz - Ózbekstan men Qyrǵyzstanǵa da iri kólemde et eksporttaımyz. Sondaı-aq, az mólsherde bolsa da Halal standarttary boıynsha óndirilgen etterdi Islam memleketterine jiberý tájirıbemiz de bar. Mundaı tehnologııalar qazir elimizdegi kásiporyndarǵa kóptep engizilýde», - dedi vıtse-mınıstr.

Aıta keteıik, 2016 jyly Qazaqstan iri qara etin eksporttaý kólemin 60 myń tonnaǵa jetkizýdi josparlap otyr. Osy maqsatta Ulttyq qordan 120 mlrd. teńge bólingen.