Qazaqstan 4 aıda óńdelgen taýarlar eksportyn 7,3 mlrd AQSh dollaryna jetkizdi
«Osy jylǵy qańtar-sáýirde syrtqy saýda taýar aınalymy 40,8 paıyzǵa ósip, 39,7 mlrd AQSh dollaryn qurady. Onyń ishinde eksport boıynsha kórsetkish shamamen 60 paıyzǵa artyp, 26,5 mlrd AQSh dollaryna deıin jetti. Bul rette óńdelgen taýarlar eksporty 32 paıyzǵa ulǵaıyp, 7,3 mlrd AQSh dollaryna deıin jetip otyr. Taýar ımporty 13,2 mlrd dollardy qurady. Jalpy, oń saýda balansy jaqsaryp, 13,2 mlrd AQSh dollaryna deıin ósti», - dep atap ótti mınıstr.
Onyń dereginshe, óńdeý ónerkásibinde joǵary ósý qarqyny saqtalyp otyr. Osy jyldyń qańtar-mamyr aılarynda óndiris kólemi 5,3 paıyzǵa ósti.
16 óńir boıynsha oń ósim kórsetkishi tirkeldi.
Eń joǵarǵy ósim Almaty qalasynda, sondaı-aq Qostanaı, Atyraý jáne Shyǵys Qazaqstan oblystarynda baıqaldy.
«Óńdeý ónerkásibi salalary boıynsha mashına jasaý óndirisiniń 9,9 paıyzǵa, onyń ishinde avtomobıl jasaýdyń – 22,8, kompıýter, elektrondy jáne optıka quraldar jasaýdyń – 17,3, qurylys materıaldary – 5,2, sýsyndar – 18,3, plastmassa buıymdary – 11,4, daıyn metall buıymdary – 10,2, farmatsevtıka ónimderi – 4,7, kıim óndirisiniń 9,9 paıyzǵa ósýi qamtamasyz etildi. Taý-ken ónerkásibinde óndiris kólemi 4,3 paıyzǵa ulǵaıdy», - dedi Álibek Qýantyrov.
Mınıstrdiń atap ótýinshe, salalar bólinisinde ósim taý-ken ónerkásibinde qyzmet kórsetýde – 18,9, gaz óndirýde – 6,3, shıki munaı óndirýde – 4,7, kómir óndirýde – 2,2, metall kenderin óndirýde – 1,9, ózge de paıdaly qazbalardy óndirýde 0,2 paıyzdy qurady.
Aıta keteıik, Úkimet otyrysynda Qazaqstannyń bıylǵy qańtar-mamyr aılaryndaǵy áleýmettik-ekonomıkalyq damýynyń qorytyndysy jáne respýblıkalyq bıýdjettiń atqarylýy qaralyp jatyr.