Qazaqstan 35 memlekettiń vaktsına pasportyn moıyndady

NUR-SULTAN. QazAqparat – QR Bas sanıtar dárigeriniń 35 memlekettiń koronavırýsqa qarsy vaktsına pasportyn Qazaqstan aýmaǵynda jaramdy dep tanýdy kózdeıtin qaýlysy shyqty, dep habarlaıdy QazAqparat.

«Osy qaýlyǵa sáıkes Argentına Respýblıkasynda, Belızde, Bolıvııa memleketinde, Brazılııa Federatıvtik Respýblıkasynda, Ulybrıtanııada, Majarstanda, Grýzııada, Indonezııa Respýblıkasynda, Iran Islam Respýblıkasynda, Iordanııada, Belgııa Koroldiginde, Ispanııa Koroldiginde, Kanadada, Qyrǵyz Respýblıkasynda, Maldıv Respýblıkasynda, Mońǵolııada, Armenııa Respýblıkasynda, Belarýs Respýblıkasynda, Moldova Respýblıkasynda, Perý Respýblıkasynda, San-Marıno Respýblıkasynda, Serbııa Respýblıkasynda, Týnıs Respýblıkasynda, Úndistan Respýblıkasynda, Fılıppın Respýblıkasynda, QHR Gonkong Arnaıy Ákimshilik aýdanynda, Taılandta, Túrkııa Respýblıkasynda, Ózbekstan Respýblıkasynda, Chernogorııa Respýblıkasynda, Cheh Respýblıkasynda, Shrı-Lanka Demokratııalyq Sotsıalıstik Respýblıkasynda, Ekvador Respýblıkasynda, Estonııa Respýblıkasynda jáne Japonııada berilgen azamattardyń KVI-ge qarsy vaktsınatsııa pasporttary/sertıfıkattary/anyqtamalary Qazaqstan Respýblıkasynyń aýmaǵynda jaramdy dep tanylsyn», - dep jazylǵan qaýly mátininde.

Qujattyń tolyq nusqasyn myna siltemeden oqýǵa bolady.

26 sáýirdegi jaǵdaı boıynsha, Qazaqstan 33 elmen vaktsınatsııa pasporttaryn ózara taný týraly kelisimge jasasqan bolatyn.

Endi olardyń qataryna Belgııa Korolldigi men QHR Gonkong Arnaıy Ákimshilik aýdany qosylyp otyr.