Qazaqstan 300 myń doza Pfizer vaktsınasyn satyp alady

NUR-SULTAN. QazAqparat – Qazir elimizde 1,5 mln doza koronavırýsqa qarsy vaktsına (QazVac, Sinopharm jáne Pfizer) bar. Bul týraly QR Densaýlyq saqtaý vıtse-mınıstri, bas memlekettik sanıtarlyq dáriger Aıjan Esmaǵambetova málim etti, dep habarlaıdy QazAqparat tilshisi.

«Qazir elimizde koronavırýsqa qarsy 1,5 mln doza vaktsına bar. Onyń ishinde QazVac vaktsınasy 180 myńǵa jýyq doza, Sinopharm 1,2 mln astam jáne 55 myńǵa jýyq Pfizer vaktsınasy tur. Búginde vaktsınatsııa jáne revaktsınatsııa aıasynda QazVac pen Sinopharm egilip jatyr. Al, Pfizer vaktsınasy buǵan deıin birinshi komponentti alǵan azamattarǵa salynady. Olarǵa jasóspirimder, júkti jáne emizýli balasy bar áıelder jatady», - dedi Aıjan Esmaǵambetova ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, vıtse-mınıstr qosymsha Pfizer vaktsınasy satyp alynatyny týraly aıtty.

«Búginde 300 myń doza Pfizer vaktsınasyn satyp alýǵa ótinish berildi. Qazir atalǵan kompanııamen kelisim júrip jatyr. Atalǵan vaktsına ádettegideı jasóspirimder, júkti jáne emizýli balasy bar áıelderge egiledi. Basqa sanattaǵy azamattar QazVac jáne Sinopharm vaktsınasyn saldyra alady», - dedi ol.

Buǵan deıin bas memlekettik sanıtarlyq dáriger shilde bastalǵaly 3 qazaqstandyq koronavırýstan qaıtys bolǵanyn málim etti.

Odan bólek, qazir álemde omıkron shtamynyń órship turǵanyn jetkizdi.