Qazaqstan 23 jyljymaly kóliktik baqylaý beketin satyp alady

ASTANA. QazAqparat – Indýstrııa jáne ınfraqurylymdyq damý mınıstrliginiń Kólik komıteti 23 jyljymaly kóliktik baqylaý beketin satyp almaqshy. Bul týraly Premer-Mınıtsrdiń birinshi orynbasary Roman Sklıar Májilis depýtattarynyń saýalyna joldaǵan jaýabynda aıtty, dep habarlaıdy QazAqparat tilshisi.

«Qazirgi tańda Indýstrııa jáne ınfraqurylymdyq damý mınıstrligi Kólik komıtetiniń aýmaqtyq organdarynyń teńgeriminde 48 jyljymaly kóliktik baqylaý beketi bar. Onyń ishinde 20 birlik 100% tozǵandyqtan, paıdalanylmaıdy», - dep jazylǵan jaýapta. https://www.parlam.kz/kk/mazhilis/question-details/19344

Aıtýynsha, qazir 21 jyljymaly beket satyp alý jumystary júrip jatyr.

«Jarııalanǵan konkýrstardyń qorytyndysy boıynsha 2023 jylǵy 16 maýsymda komıtet ónim berýshini aıqyndap, shart jasasty, oǵan sáıkes kúntizbelik 45 kún ishinde 18 birlik arnaıy avtokólik beriledi. Oǵan qosymsha 3 arnaıy avtokólik satyp alý josparlanýda. Mańǵystaý oblysynda ákimdikpen 2 jyljymaly kóliktik baqylaý beketi satyp alyndy: Sondaı-aq, Mańǵystaý oblysynyń kóliktik baqylaý ınspektsııasynyń teńgerimine berý úshin taǵy 2 birlik satyp alý kózdelip otyr», - dep jazady Roman Sklıar.