Qazaqstan 2050 jylǵa qaraı atom energetıkasyn úsh ese ulǵaıtý týraly deklaratsııaǵa qosyldy

<p>ASTANA. KAZINFORM &mdash; Búgin Bakýda BUU-nyń COP29 klımattyń ózgerýi jónindegi konferentsııasy aıasynda Qazaqstan Respýblıkasynyń Energetıka Vıtse-mınıstri Suńǵat Esimhanov atom energııasyn paıdalanýdy úsh ese arttyrý boıynsha kúsh-jigerdi ilgeriletý jónindegi halyqaralyq is-sharaǵa qatysty. Bul týraly QR Energetıka mınıstrliginiń baspasóz qyzmeti málim etti.&nbsp;</p>

Vıtse-mınıstr óz sózinde Parıj kelisiminiń maqsattaryn oryndaý úshin álemdik ekonomıkany dekarbonızatsııalaýdy jedeldetýge jáne parnıktik gazdar shyǵaryndylaryn azaıtýǵa baǵyttalǵan 2050 jylǵa qaraı atom energetıkasyn úsh ese ulǵaıtý jónindegi deklaratsııaǵa Qazaqstannyń qosylatynyn jarııalady. 

«Qazaqstannyń 2050 jylǵa qaraı atom energııasyn úsh ese ulǵaıtý týraly Deklaratsııaǵa qosylýy – turaqty jáne ekologııalyq taza bolashaqqa jasalǵan mańyzdy qadamymyz. Biz energetıkalyq qaýipsizdikti nyǵaıtyp qana qoımaı, ortaq maqsatqa jetý úshin álemdik qoǵamdastyqpen yntymaqtasa otyryp, kómirtegi shyǵaryndylarynyń jahandyq tómendeýine eleýli úles qosýǵa tyrysamyz», - dep atap ótti Energetıka vıtse-mınıstri.

Parıj kelisiminiń alǵashqy jahandyq sholýy aıasynda atom energetıkasy temperatýranyń 1,5 °S ósýin shekteý maqsatyna jetýdiń negizgi sheshimderiniń biri retinde tanyldy.

Qazirgi ýaqytta deklaratsııaǵa 26 memleket qosyldy: Armenııa, Bolgarııa, Kanada, Horvatııa, Chehııa, Fınlıandııa, Frantsııa, Gana, Majarstan, ıAmaıka, Ońtústik Koreıa, Moldova, Mońǵolııa, Marokko, Nıderlandy, Polsha, Rýmynııa, Slovakııa, Slovenııa, Shvetsııa, Ýkraına, BAÁ, Ulybrıtanııa, Amerıka Qurama Shtattary jáne Qazaqstan.

Qazaqstannyń atom energetıkasyn úsh ese ulǵaıtý týraly Deklaratsııaǵa qosylýy eldiń ornyqty damý maqsattaryna beıildiligin jáne klımattyń ózgerýine qarsy kúreske eleýli úles qosýǵa daıyn ekendigin bildiredi. Qazaqstan atom energetıkasyn 2060 jylǵa qaraı kómirtegi beıtaraptyǵyna qol jetkizýge, taza energııa kózderiniń úlesin ulǵaıtýǵa jáne senimdi energııamen jabdyqtaýdy qamtamasyz etýge múmkindik beretin óziniń bolashaq energııa teńgeriminiń mańyzdy komponentteriniń biri retinde qarastyrady.

Qazaqstan beıbit atomdy damytý jónindegi halyqaralyq bastamalarǵa belsendi qatysýǵa jáne osy saladaǵy jetekshi memlekettermen jáne halyqaralyq uıymdarmen yntymaqtastyqty keńeıtýge nıetti.

Eske sala keteıik, buǵan deıin Bakýdegi sammıtte Qazaqstan jasyl energetıkaǵa shamamen 3,7 mlrd dollar ınvestıtsııa tartqanyn jazǵan bolatynbyz.