«Qazaqstan-2050 qozǵalysy: «Nur Otan» jeńisi azamattyq qoǵamdy jandandyra túsedi

ASTANA. QazAqparat - «Qazaqstan-2050» qozǵalysynyń belsendileri saılaýdaǵy «Nur Otan» partııasynyń jeńisi memlekettik mindetterdi sheshýde azamattyq qoǵamdy jandandyra túsetinine senimdi. Bul pikirdi OKQ-da ótken brıfıngte uıymnyń atqarýshy dırektory Ásel Sháribaeva bildirdi.

«Óz tańdaýyn jasaǵan Qazaqstan halqy birlikti, joǵary patrıotızmdi kórsetti. «Nur Otan» jeńisi azamattyq qoǵam kúshin memlekettik mańyzdy mindetterdi sheshýge múmkindik beretinine senemiz. Qoǵamdyq uıym retinde osy úrdiste barynsha belsendi bolǵymyz keledi», - dedi ol.

Sondaı-aq Á. Sháribaeva jańartylǵan quram basqarýshy partııa aıtqan reformalardy iske asyrýdy jalǵastyratynyna senimdilik bildirdi. Bul el ekonomıkasynyń ósimin qamtamasyz etedi.

Eske salsaq, QR OSK aldyn ala qorytyndysy boıynsha «Nur Otan» 82,15%, QKHP - 7,14%, «Aq jol» - 7,18%, «Birlik» - 0,29%, JSDP- 1,18%, «Aýyl» partııasy - 2% daýys jınady.