Qazaqstan 2030 jyly Máskeýdiń EHRO ótkizýge kandıdatýrasyn qoldady
22:02, 10 Aqpan 2022
MÁSKEÝ. QazAqparat – Qazaqstan Máskeýdiń 2030 jyly EHRO ótkizýge kandıdatýrasyn qoldady. Bul týraly búgin Máskeýde Reseı Prezıdenti Vladımır Pýtınmen kelisssózderden keıingi birlesken málimdeme barysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Biz halyqaralyq bastamalardy ózara qoldaý týraly da ýaǵdalastyq. Qazaqstan eshqandaı qubylmaı-aq Máskeýdiń 2030 jyly EHRO ótkizý orny retindegi kandıdatýrasyna qoldaý kórsetkenin atap ótkim keledi», - dedi Qasym-Jomart Toqaev.
QR Prezıdenti reseılik áriptesimen kelissózder barysynda óńirlik, sonymen qatar jahandyq kúntártibine qatysty ózekti máselelerdiń qozǵalǵanyn atap ótti.
«Jalpy, bizdiń ustanymymyz ózgerissiz qala beretindigin atap ótkim keledi», - dedi Memleket basshysy.