Qazaqstan 2030 jyldarǵa qaraı 110 mln. tonna munaı óndiredi

ASTANA. 17 qyrkúıek. QazAqparat - Pessımıstik boljamǵa sáıkes, 2030 jylǵa qaraı Qazaqstanda munaı óndirý kólemi 110 mln. tonnany quraıdy. Bul týraly búgin Úkimet otyrysynan keıin QR Munaı jáne gaz mınıstri Uzaqbaı Qarabalın atap ótti.

Osy oraıda mınıstr optımıstik boljamdy qurý - ol eń aldymen Qashaǵan men basqa da ken oryndaryn budan ary qaraı damytý jobalaryn bolashaqta bekitý úrdisine baılanysty ekenin sóz etti. Sonymen qatar atalǵan merzimde jańa ken oryndary iske qosylýy múmkin.

Alaıda U. Qarabalın keleshekte jylyna 150-180 mln. tonna munaı óndirý jospary óz kúshinde turǵanyn jetkizdi. Mınıstrlik qazirgi kezde tabıǵı resýrstardy tıimdi basqarý tujyrymdamasyna negizdelip jumys isteýde.

Onyń sózine qaraǵanda, jalpy munaı óndirýdiń úlesinde ken ornyn damytýdyń aldyn ala jospary boıynsha Qashaǵannyń úlesi táýligine 1,5 mln. barreldi quramaq.

«Eger de ken ornyn damytýdyń aldyn ala boljamdary men jospary bekitilse, bul Qashaǵanda qol jetkiziletin eń joǵary munaı óndirý deńgeıi bolmaq. Qazirgi kezde Qashaǵanda munaı óndirilip jatyr», - dep túıdi mınıstr.