Qazaqstan 2025 jyly Japonııada ótetin EXPO kórmesine qatysatyn boldy

ASTANA. QazAqparat – «QazExpoCongress» UK» AQ basshylyǵy EXPO 2025 Osaka uıymdastyrý komıtetiniń ókilderimen kezdesip, Qazaqstannyń kórmege qatysý shartyna qol qoıdy, dep habarlaıdy QazAqparat.

Qazaqstan tarapynan shartqa Ulttyq sektsııanyń bas komıssary Dáýlet Erkimbaev, Japonııa tarapynan qaýymdastyqtyń Bas hatshysy Hıroıýkı Ishıge, EXPO 2025 Osaka Dúnıejúzilik kórmesiniń Bas komıssary Kodjı Haneda qol qoıdy.

«Japonııada ótetin EXPO 2025 kórmesine daıyndyqty bastap kettik. Barlyq uıymdastyrýshylyq suraqtar men «Ómirdi qutqarý» taqyryptyq klasterinde ornalasatyn pavılonymyzdy tolyq pysyqtap jatyrmyz. Kórmeniń bastalýyna eki jyl bar, biraq is júzinde az ýaqyt qaldy. Kórme 2025 jyldyń 13 sáýirinde ashylyp, 13 qazanynda aıaqtalady. Uıymdastyrýshylardyń boljamy boıynsha, kórmege álemniń 150 elinen 28 mıllıonnan astam adam kelýi tıis, sondaı-aq 25 halyqaralyq uıym ókilderi qatysady», – dep atap ótti D. Erkimbaev.

«QazExpoCongress» UK» AQ baspasóz qyzmetiniń habarlaýynsha, EXPO 2025 kórmesi Osakadaǵy ıÝmeshıma jasandy aralynda ótedi.

«Bizdiń ómirimiz úshin bolashaq qoǵamyn qurý» kórmesi «Ómirdi qutqarý», «Quqyq pen múmkindikterdi keńeıtý» jáne «Ómirlerdi biriktirý» taqyrypshalarynan quralǵan.

Kórmeniń jalpy aýdany - shamamen 155 gektar.

Qazaqstan pavılony Italııa, Nıderland, Sıngapýr jáne Bolgarııa pavılondarymen kórshiles ornalasady.