Qazaqstan 2025 jylǵa qaraı eksport kólemin 50 mlrd dollardan asyrady
«Osy jylǵy 1-shi jartyjyldyqta tólem balansynyń aǵymdaǵy shotynyń profıtsıti tikeleı ınvestorlarǵa tólenetin kiristerdiń tómendeýi 3,5 esege jáne jyl basyndaǵy munaıdyń salystyrmaly túrde joǵary baǵasy men jetkizilimderi esebinen tirkeldi. 2020 jyldyń qorytyndysy boıynsha koronavırýs indeti saldarynan tólemge qabiletti suranystyń tómendeýi jáne ınvestıtsııalyq jobalardy iske asyrý qarqynynyń baıaýlaýy aıasynda 2020 jyly taýarlar ımportynyń 13,1 paıyzǵa qysqarý boljamyna qaramastan tólem balansynyń aǵymdaǵy shotynyń tapshylyǵy kútiledi», - dedi ol.
Onyń aıtýynsha, aǵymdaǵy shottyń tapshylyǵy 2020 jyly ótken jylmen salystyrǵanda munaı baǵasynyń jalpy tómendeýine jáne munaı óndirýdi qysqartý boıynsha OPEC+ mámilesiniń talaptaryn saqtaýǵa, sondaı-aq 2020 jylǵy ekinshi jartyjyldyqta tikeleı ınvestorlarǵa tólenetin kiristerdi birtindep qalpyna keltirýge baılanysty taýarlar eksportynyń qysqarýy aıasynda qalyptasady.
«Budan keıingi ımporttyń boljamdy serpini ımportty almastyrýdyń belsendi saıasatyn iske asyrýmen negizdelgen. Bul rette, 2021 jyly keıinge qaldyrylǵan suranys pen 2020 jyly toqtatyp qoıǵannan keıin ınvestıtsııalyq jobalardy iske asyrýdy jyldamdatý saldarynan ımportty qalpyna keltirý jáne onyń 8,1 paıyzǵa ósýi kútiledi. Taýarlar eksportynyń boljamy shıkizattyq emes taýarlar eksportynyń ulǵaıýyna yqpal etýi yqtımal. Bul 2025 jylǵa qaraı eksporttyń 50 mlrd AQSh dollarynan joǵary deńgeıge deıin kezeń-kezeńimen ósýine alyp keledi. Ulttyq bank Úkimettiń óńdeýshi ónerkásip eksportyn 2025 jylǵa qaraı 42 paıyzǵa ulǵaıtý jónindegi josparlaryn qoldaıdy», - dedi Erbolat Dosaev.