Qazaqstan 2019 jyldan bastap SNOMED International-dyń tolyq múshesi atanady

ASTANA. QazAqparat - Qazaqstan 2019 jylǵy qańtardan bastap SNOMED International uıymynyń tolyq múshesi atanady. Bul - Halyqaralyq medıtsına termınologııasy standarttaryn damytý uıymymen (International Health Terminology Standards Development Organisation) júrgizilgen eki jyldyq kelissózdiń jemisi, dep habarlaıdy QazAqparat Densaýlyq saqtaý mınıstrliginiń Feısbýktegi paraqshasyna silteme jasap.

«Búginde 35 memleket SNOMED-ti qoldanady, Qazaqstan 36-shy el atanbaq. Aıta keteıik, Qazaqstan - SNOMED-ke tolyq múshe bolýdy josparlap otyrǵan TMD-daǵy alǵashqy memleket», - delingen habarlamada.

Ádette dárigerler naýqastyń dıagnozdary men oǵan kórsetilgen qyzmetterdiń atyn jazyp júredi. Keıde qaǵazdaǵy jazýdy basqa dárigerler túsinbeı jatady. Medıtsına mekemelerinde qaǵazsyz jumys isteýge kóshkende bul máseleniń ózektiligi arta túsedi.

Qoldanylatyn aqparattyq júıeler bir-birin qaltqysyz túsinýi úshin ortaq til qoldanylýy tıis. Ol - SNOMED-CT klınıkalyq termınologııasy. Bul elektrondy jazbalardyń ózara túsinisýine meılinshe ıgi yqpalyn tıgizedi ári dárigerlerdiń de aqparatty durys túsinýine jaǵdaı jasaıdy.