Qazaqstan 2012 jyldyń 11 aıynda 52,2 mlrd. dollardyń munaıyn eksporttady

ASTANA. 8 qańtar. QazAqparat - 2012 jyldyń qańtar-qarashasynda Qazaqstan 52,2 mlrd. dollardy quraıtyn shıki munaı men gaz kondensatynyń 62,9 mln. tonnasyn eksporttady. Bul kórsetkish 2011 jyldyń uqsas kezeńimen salystyrǵanda kólemi jaǵynan 1,1 paıyzǵa kem, al qarjylyq quny jaǵynan 3,9 paıyzǵa artyq. Bul týraly QR Qarjy mınıstrliginiń Kedendik baqylaý komıteti habarlaıdy.

Kedendik baqylaý komıtetiniń jarııalaǵan málimetterine qaraǵanda, qazaqstandyq munaıdyń iri satyp alýshylary mynalar bolyp tabylady: Italııa - 13,7 mlrd. dollarǵa 16,4 mln. tonna, Qytaı - 7,5 mlrd. dollarǵa 9,2 mln. tonna, Nıderlandy- 6,2 mlrd. dollarǵa 7,4 mln. tonna, Frantsııa - 5,1 mlrd. dollarǵa 5,9 mln. tonna, Aýstrııa - 4,6 mlrd. dollarǵa 5,9 mln. tonna, Rýmynııa - 2,7 mlrd. dollarǵa 3,5 mln tonna, Kanada - 2,9 mlrd. dollarǵa 3,2 mln tonna jáne Shveıtsarııa - 1,9 mlrd. dollarǵa 2,4 mln. tonna munaı satyp alǵan.