Qazaqstan 2011 jyly jemister men kókónisterdi satyp alýǵa 13 mlrd. teńgeden kem emes soma jumsaýdy kózdep otyr

ASTANA. 25 tamyz. QazAqparat /Gúlmıra Alıakparova/ - 2011 jyly el Úkimeti jemis-jıdekterdi satyp alýǵa 3,3 mıllıard, al kókónisterge 9,7 mıllıard teńgeden kem emes soma jumsaýdy kózdep otyr. Bul týraly www.goszakup.gov.kz veb-portalyna silteme jasap «Elektrondy kommertsııa ortalyǵy» JShS-nyń baspasóz qyzmeti habarlady.

«Kúz aılarynyń jaqyndaýymen júrgizilgen jylsaıynǵy taldaýdyń nátıjesine súıenip, kókónisterdi satyp alýlardyń arasynda birinshi orynda ádettegideı, kartop (5,7 mlrd. teńge) turǵanyn atap óte alamyz. Al jemis-jıdekterdiń arasynda almalar (1,3 mlrd. teńge) tur. Jalpy alǵanda, memleket 2011 jyly kókónisterdi satyp alýǵa 9,7 mlrd., al jemis-jıdekterge 3,3 mlrd. teńgeden kem emes qarajat jumsaýdy josparlap otyr», - dep atap ótti «Elektrondy kommertsııalar ortalyǵy» JShS-nyń basqarma bastyǵy Sultanqajy Ahmetov.

Elektrondy túrde memlekettik satyp alýlardy ótkizý alańy - QR Qarjy mınıstrliginiń tapsyrysy boıynsha Elektrondy kommertsııalar ortalyǵy ázirlegen - veb-portal bolady. Qazaqstandyq portal memlekettik satyp alýlardy ótkizý úshin ǵana emes, taýarlardy jetkizýshiler, satyp alýshylar jáne ótkiziletin kelisimder týraly aqparattardy ornalystyrýǵa arnalǵan.

QR memlekettik satyp alýlar veb-portalyn qoldanýshylardyń sany kún ótken saıyn artyp, tirkelgen paıdalanýshylardyń sany búgin 106 myńǵa jetti. Portalda barlyǵy 7 mln. lot jáne 2,3 mln.-nan astam habarlandyrý jarııalandy. Sońǵy aıda portalda 1,4 mln.-nan astam kelýshi tirkeldi. Olardyń denin qazaqstandyqtar quraǵanymen, olardyń arasynda kórshi elderdiń kásipkerleri de az emes. Máselen, shilde aıynda Reseı Federatsııasynan 18 myń, Ýkraınadan 3 myń kelýshi tirkeldi. Sondaı-aq portalǵa Qytaı, AQSh, Germanııa jáne Úndistan elderiniń ókilderi de qyzyǵýshylyq tanytýda.