Qazaqstan 2 jyldan keıin sıyr etiniń alǵashqy partııasyn Qytaıǵa eksporttady

<p>ASTANA. KAZINFORM &mdash; Bıyl Aýyl sharýashylyǵy mınıstrligi aýsyl boıynsha shekteýdi alyp tastaǵannan keıin &laquo;Meat Processing and Service&raquo; JShS QHR-ǵa 20 tonna sıyr etin eksporttady.</p>

Kásiporyn Almaty oblysynda 2009 jyldan beri jumys isteıdi jáne ІQM men UQM etin qaıta óńdeý men konservileýge, bordaqylaýǵa jáne soıýǵa mamandanǵan. Kompanııada mal basy 1,2 myńnan asady, bir mezgilde 3 myń bas mal ustaıtyn bordaqylaý bazasy bar. Et óńdeý kásipornynyń ónimdiligi 10 saǵatta 200 bas iri qara, 1000 bas usaq mal. Ettiń kóterme saýdasy Iran, Oman jáne Bahreınde jolǵa qoıylǵan.

Esterińizge sala keteıik, Qytaı Halyq Respýblıkasynyń aýsyl aýrýyna 2020 jyly engizgen ýaqytsha shekteýleri 2024 jyldyń 7 aqpanynda alynyp tastaldy. Tyıym salýdy alyp tastaý týraly sheshim Qasym-Jomart Toqaevtyń 2023 jyly QHR-ǵa resmı saparynan keıin qabyldandy. Onyń barysynda Memleket basshysy Qazaqstannyń Qytaıǵa mal sharýashylyǵy ónimderin jetkizýge daıyn ekenin atap ótti.

QR Premer-mınıstriniń orynbasary Serik Jumanǵarın birqatar kelissóz júrgizdi. Al 2023 jylǵy qarashada QR Aýyl sharýashylyǵy mınıstri Aıdarbek Saparov QHR Bas keden basqarmasynyń tóraǵasy ıÝı Tszıanhýamen resmı kezdesý ótkizdi.

Qytaı tarapy qus tumaýy men aýsyl boıynsha qaýipterge baǵa berdi. Jeltoqsan aıynda QHR Memlekettik tehnıkalyq ýnıversıteti men Qytaı Aýyl sharýashylyǵy jáne Aýyl isteri mınıstrligi sarapshylar tobynyń Qazaqstanǵa sapary sheńberinde joǵaryda atalǵan aýrýlarǵa jetkilikti baqylaýdy qamtamasyz etý úshin veterınarlyq qyzmettiń jumysyna aýdıt júrgizildi. Sońǵy 3 aı ishinde otandyq kásiporyndar eksporttyq taýarlar jelisin keńeıtý, eldiń barlyq aýmaǵynan kásiporyndardy eksporttaýǵa jiberý, Qytaı ımporttaýshylarynyń tizilimine engizý boıynsha veterınarlyq talaptardy kelisý boıynsha belsendi jumys júrgizdi.

QR AShM QHR-daǵy qazaqstandyq eksporttaýshy kásiporyndar tizimin keńeıtýdi jalǵastyryp jatyr.