Qazaqstan 100 myń teńgelik kún panelderin óndirýdi bastaıdy

<p>ASTANA. KAZINFORM &ndash; Ǵylym jáne joǵary bilim mınıstrligi <a href="https://kaz.inform.kz/news" target="_blank" rel="noopener">Kazinform</a> saýalyna joldaǵan jaýabynda kún panelderiniń otandyq óndirisin jolǵa qoıý jospary jóninde málimet berdi.&nbsp;</p>

«HIT» (heterojunction with intrinsic thin layer) jáne «PERC» (passivated emitter rear cells) tehnologııasy boıynsha kún panelderin óndiretin zaýyt salý baǵytynda jumys júrip jatyr», — delingen mınıstrlik málimetinde. 

Sondaı-aq, jaýapta óndiriske qajet qondyrǵy 1-1,5 aıdyń ishinde jetkiziletini aıtylǵan. 

«Osylaısha kún paneli óndirisiniń jelisi iske qosylyp, qysqa ýaqyttyń ishinde qýaty 50 MVt bolatyn tolyqqandy zaýyt paıda bolady. Joba jetekshileri bir paneldiń baǵasy 100 myń teńge bolady dep josparlap otyr. 2024 jyly 300 dana panel, 2025 jyly 6 myń panel, 2026 jyly 6 myń panel óndirý josparda bar. Keleshekte zaýyt qýatyn jylyna 30 myń kún panelin óndiretindeı etip keńeıtý josparlanǵan. Álemde mundaı panelder Germanııada, Japonııada, Qytaıda shyǵarylady», — dep jazylǵan jaýapta.