Qazaqstan 10 memleketke maqta talshyǵyn eksporttaıdy

ASTANA. QazAqparat - Qazaqstanda óndiriletin maqta talshyǵy álemniń 10 eline eksportqa shyǵarylady. Bul týraly QR AShM «Ulttyq agrarlyq ǵylymı-bilim berý ortalyǵy» KEAQ Basqarma tóraǵasy Asqar Nametov OKQ-da ótken baspasóz máslıhatynda málim etti, dep habarlaıdy «QazAqparat» HAA tilshisi.

«Qazaqstanda 1991 jyly jeke, ıaǵnı otandyq maqta talshyǵy joq bolatyn. Qazirgi ýaqytta maqta talshyǵynyń 10 túrin (sortyn) jasap shyǵardyq. Onyń beseýi memlekettik synaqtan ótti», - deıdi Ulttyq agrarlyq ǵylymı-bilim berý ortalyǵynyń tóraǵasy.

Asqar Nametovtyń aıtýynsha, elimizde qazirgi ýaqytta tazartylmaǵan maqtanyń ónimdiligi - 22-23 ts/ga. Al otandyq jańa maqta talshyǵynyń túsimi 38-40 ts/ga kórsetkishke jetedi.

«Aldaǵy ýaqytta bul kórsetkishti 30-40 paıyzǵa arttyrý kózdelip otyr. Sonymen birge, maqtanyń sapasyn da arttyrý josparlanǵan. Bul baǵyttaǵy jumys óz kezeginde ishki jáne syrtqy naryqta taýardyń básekege qabilettiligin arttyrady», - deıdi Asqar Nametov.

Belgili bolǵandaı, qazirgi tańda qazaqstandyq maqta talshyǵynyń sorty 10 elge, atap aıtqanda Reseı, Belarýs, Germanııa, Latvııa, Moldova, QHR, Belgııa, Iran, Ýkraına, Italııa jáne Ońtústik Koreıa elderine eksporttalady.