Qazaqstan 1 trln teńgege jýyq aktıvti qaıtaryp aldy – Premer-Mınıstr

<p>Qazaqstan 1 trln teńgege jýyq aktıvti qaıtardy. Bul týraly Premer-Mınıstr Álıhan Smaıylov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Aktıvterdi qaıtarý jumysy qabyldanǵan zańǵa sáıkes qatań iske asady. Bul qadamdar Memleket basshysy júrgizip jatqan reforma aıasynda jalǵasyp jatyr. Aktıvterdi qaıtarýdyń eki joly bar - erikti jáne májbúrli. Májbúrli qaıtarý sot sheshimine sáıkes júrgiziledi. Osy zańnyń qoldanylýy aıasyna qamtylatyn adamdarǵa toqtalsa, bul kisiler - ákimshilik resýrsty paıdalana otyryp, aktıvterdi zańsyz ıemdengender», - dedi Á. Smaıylov Senattyń jalpy otyrysynan keıin tilshiler suraǵyna jaýap bere otyryp.

Osy oraıda qazir qansha qarajat qaıtarylǵanyn naqtylandy.

«Qazir 1 trıllıon teńgege tarta aktıv qaıtaryldy, onyń 600 mıllıonǵa jýyǵy shetelden alynǵan», - dedi Úkimet basshysy.